Forever

1.微微燈火照著樓窗，酸風鑽入房，房中獨有阮一人；靜靜解心意，只有茶味香，簾簷雨水tsha̍p-tsha̍p滴滴增加阮苦痛。風雨又無停，心情又飄動，往年所有的希望；犧牲到現在，毋願來放鬆，毋願變成一場夢。

Bî-bî ting-hué tsioh tio̍h lâu-tshang，sng-hong tsǹg-ji̍p pâng，pâng-tiong to̍k iú guán tsi̍t-lâng；tsīng-tsīng kái sim-ì，tsí ū tê-bī phang，nî-tsînn hō-tsuí tsha̍p-tsha̍p-tih-tih tsing-ka guán khóo-khàng.Hong-ú iū bô thîng，sim-tsîng iū phiau-tāng，óng-liân só-ū ê hi-bāng；hi-sing kàu hiān-tsāi，m̄ guān lâi pàng-sang，m̄ guān piàn sîng tsi̍t-tiûnn bāng.

 2.想起昔日年輕時代，世情阮嘛知，只知義務佮情愛；過著重疊疊，人生的苦海，並無希望爽爽快快快樂渡生涯。只求美滿熱情永存在，可比陽春花當開；無疑運命bái，怨嘆啥人知，變成寂寞暗悲哀。

Siū-khì sik-ji̍t  liân-khing sî-tāi，sè-tsîng guán mā tsai，tsí tsai gī-bū kap tsîng-ài；kuè tio̍h tîng-tha̍h-tha̍h，jîn-sing ê khóo-hái，pīng bô hi-bāng sóng-sóng-khuài-khuài khuài-lo̍k tō sing-gâi.Tsí kiû bí-buán jia̍t-tsîng íng tsûn-tsāi，khó pí iông-tshun hua tng khai；bô-gî ūn-miā bái，uàn-khàn siánn lâng tsai，piàn sîng tsik-bo̍k àm pi-ai. 

3.冬天暝長夜半沈靜，風雨又無停，想著鬱卒的世情；受盡千萬般，艱難的苦境，並無希望永永遠遠快樂佮虛榮。只求美滿光明的前程，哪知四面是風泳；加添阮心悶，啥人來造成，冷暖無情的人生。

Tang-thinn mî-tn̂g iā puànn tîm-tsīng，hong-ú iū bô thîng，siūnn tio̍h ut-tsut ê sè-tsîng；siū tsīn tshian-bān puann，kan-lân ê khóo-kíng，pīng bô hi-bāng íng-íng-uán-uán khuài-lo̍k kap hi-îng.Tsí kiû bí-buán kng-bîng ê tsiân-tîng，nā tsai sì-bīn sī hong-íng；ka-thiam guán sim-būn，siánn lâng lâi tsō-sîng，líng-luán bô-tsîng ê jîn-sing.